உறுதிக்கோட்டை வட்டகை : பிள்ளையார் நோன்பு 2021

நகரத்தார் நலச்சங்கம்

(உறுதிக் கோட்டை வட்டகை)

70 பந்தய சாலை, கோயம்புத்தூர் 641018

=================

உ

சிவமயம்

10-12-2021

பிலவ ஆண்டு கார்த்திகை மாதம் 24 ம் நாள் வெள்ளிக்கிழமை

கோவை நகரத்தார் நல சங்கம் சார்பில் வள்ளலார் மண்டபத்தில் இன்று மாலை 7 மணி அளவில் 15 ம் ஆண்டு பிள்ளையார் நோன்பு விழா சிறப்புடன் நடைபெற்றது. நகரத்தார்களும் ஆச்சிமார்களும் திரளாக கலந்துகொண்டு சிறப்பித்தனர்.

நமது சமூக நன்மைக்காக சங்க அமைப்பை மாற்றி அமைத்து Nagarathar Nala Charitable Foundation என்ற அறக்கட்டளையை பதிவு செய்து உள்ளோம். இந்த அறக்கட்டளை வாயிலாக நமது சமூகத்திற்கு நம்மால் ஆன உதவிகளை செய்ய நமது சங்க நிர்வாக குழு முடிவு செய்து உள்ளது.

கோவை நகரத்தார் நல அறக் கட்டளை சார்பாக கீழ்க்கண்ட திட்டங்கள் அறிவிக்கப்பட்டன:

1. உறுதிக்கோட்டை வட்டகையில் உள்ள ஆதரவற்ற முதியவர்களுக்கு வழங்கப்படும் உதவித் தொகை வரும் ஜனவரி 2022 லிருந்து மாதந்தோறும் ரூபாய் 500 ஆக உயர்த்தி கொடுக்கப்படும். (தற்பொழுது ரூபாய் 300 வழங்கப்பட்டு வருகிறது.) 13 வருடங்களாக தொடர்ந்து இந்த உதவி செய்யப்பட்டு வருகிறது. பயன் அடைந்தவர்களின் எண்ணிக்கை 13. இதற்காக நாம் சங்கத்திலிருந்து இது வரை கொடுத்துள்ள தொகை ₹2,47,800.

2. ஆதரவற்றவர்களின் இறுதிச்சடங்குக்கு ரூபாய் 3000 உதவித்தொகை வழங்கப்படும்.

3. வரும் கல்வியாண்டில் இருந்து கல்வி உதவித்தொகை வழங்க முடிவு செய்யப்பட்டுள்ளது. முதலில் ஒரு லட்ச ரூபாயுடன் இந்த திட்டத்தை ஆரம்பிக்க தொகை நிர்ணயம் செய்யப்பட்டுள்ளது. உறுதி கோட்டை வட்டகை மாணவ மாணவியர் யார் வேண்டுமானாலும் விண்ணப்பிக்கலாம்.